Оctagon NFT

Маркетийн талаар бодол:

“Crypto Bear” market эргэлт буцалтгүй ирсэн энэ үед хүмүүс Биткойн руу мөнгөө хийгээд эхэлчихжээ. Дайн болон инфляциас хамаараад энэ хүйтрэл дуусна. Дайны хувьд энэ жилээс хэтрэх үндэслэлгүй. Инфляци бас бага багаар тогтворжино гэдэгт итгэж байна.

Хямралын цаад хугацаа 2024 он гэж үзэж байна. Учир нь 4 жил тутамд “Bitcoin Halving” болж зах зээл дээрх нийлүүлэлт 2 дахин багасч явдаг. Хамгийн сүүлд 2020 онд ханш 8 дахин өссөн байх жишээтэй. 

Erthereum "Proof of Stake" рүү шилжих ажил 3,4 сараар хойшилсон байгаа.

Энэ хатуу хүйтэн цаг үед бид “Buy the deep, sell the news” зарчмаар маш ухаалаг хөрөнгө оруулалтаа хийх нь чухал юм. Хэдийгээр томоохон хямралд дэлхий нийтээрээ өртөөд байгаа хэдий ч энэ хэцүү цаг үеийг давсан хүмүүст маш том боломж ирэх нь гарцаагүй юм.

Дэлхийд юу болов?

Justin Timberlake зохиогчийн эрхээ заржээ

5-р сарын 26-нд алдарт дуучин Жастин Тимберлэйк өөрийн дууны каталогийн эрхийг бүхэлд нь худалдлаа.

“Hipgnosis” нэртэй компани уг эрхийг 100 гаруй сая ам.доллараар худалдаж авчээ. (Үнийг албан ёсоор зарлаагүй)

Ингэх нь хэнд бас яагаад хэрэгтэй вэ? 

Blackstone(Blackrock биш) нь Hipgnosis-тэй хамтын үйл ажиллагаагаа бэхжүүлэхийн тулд дор хаяж 1 тэрбум ам.доллар зарцуулсан.

Blackstone зэрэг томоохон компаниуд алдартай дуу хөгжмийн эрхийг эзэмших нь streaming болон кинонд оруулах замаар ашигтай байдаг тул энэ бизнесийн гүнд орж байна.

Сүүлийн 3 жилээр авч үзэхэд:

Sting өөрийн каталогийг Universal Music-д 250 сая доллараар зарсан.

David Bowie 250 сая ам.доллараар каталогио зарсан.

ZZ Top каталогио 50 сая ам.доллараар худалдсан.

Bob Dylan гэхэд Universal Music-т нийт 600 дууг 350 сая ам.доллараар зарсан.

Crypto News:

SpaceX-ийн бараа болон үйлчилгээг DogeCoin-оор төлөх боломжтой болно!

Хэрэв дэлхийн хамгийн баян хүн Илон Маскын төлөвлөгөөний дагуу болох юм бол DogeCoin-оор Starlink-ийн төлбөрөө төлж болно. Магадгүй ирээдүйд Ангараг руу ч очих төлбөрөө DogeCoin-оор хийж болох байх.

Xceltrid-д Shiba Inu-ээр төлбөрөө төлөх боломжтой боллоо 

Нохойны зурагтай “meme койн” зүгээр суугаагүй.

Төвлөрсөн бус тасалбар болон зочид буудлын захиалга өгдөг платформ xceltrip-д 70 гаруй улс, 450 гаруй агаарын тээвэр болон 2.3 сая зочид буудалд Shiba Inu-ээр төлбөрөө төлөх боломжтой боллоо. Мөн Shiba Inu-ээс гадна 9 өөр крипто валютаар төлбөрөө төлөх боломжтой. Дэлхий хавтгай дээрээ дижитал хэлбэртэйгээ хавтгайрч байна.

Andreessen Horowitz 4.5 тэрбум ам.доллар босгож уналттай байгаа крипто зах зээл рүү хөрөнгө оруулалт хийлээ

Өнгөрсөн Лхагва гарагт Andreessen Horowitz “А16z” гэх крипто болон блокчэйнийн хөрөнгө оруулалтын санг дэмжиж байгаа мэдэгдэл хийсэн.

Andreessen Horowitz-ын өмнө нь хөрөнгө оруулсан төслүүдийг дурьдвал Coinbase, Pinterest, Alchemy, Avalanche, Dapper Labs, OpenSea, Solana болон Yuga Labs. Тэр хэзээ хаана хэнд хөрөнгө оруулахаа мэддэг нэгэн.

Бухагийн эргэн тойронд юу болов?

Бид ARBC гэр бүлийнхээ хажуугаар дараагийн шинэ төслөө эхлэхэд бэлэн болоод байна. 2-3 сар төлөвлөж хэлэлцсэний эцэст “Монгол хүн бүхэнд заавал байх ёстой NFT” гэдэг утга санаан дор “Beyond Mongol” төслөө тун удахгүй эхлүүлэх гэж байна. 

Үүгээрээ бид дэлхийн эргэн тойронд сурч, ажиллаж амьдарч байгаа хамаг монгол хүмүүсээ нэгтгэх, эх орондоо болж буй мэдээ мэдээллээр хангах, цаашлаад шинэ эрин зууны технологийн хөгжил дэвшлийг танин мэдүүлж, соён гэгээрүүлэх хүсэлтэй юм.

Бид цөөхүүлээ ч гэсэн хоорондоо нэгдэн нийлж нэг зүг рүү тэмүүлж байж “Дэлхий рүү гарна”.  Шинэхэн төслийнхөө талаар дараагийн дугааруудад илүү дэлгэрэнгүй хүргэх болно.

Өнгөрсөн хоёр 7 хоногт Octagon-ын хамт олноороо олон эвент, хурал семинарт амжилттай оролцож маш олон залуусын санаа бодлыг сонссон завгүй өдрүүд өнгөрлөө.

Ирэх 7 хоногт Турк улсад олон улсын хөрөнгө оруулагчидтай уулзаж төслөө танилцуулахаар товлосон байна. 

Дүгнэлт

Дэлхий нийтээрээ “Crypto Winter” эхэлчихсэн үргэлжилж байгаа хэдий ч Блокчэйн, Крипто гэдэг зүйл хэзээ ч үгүй болохгүй харин ч бидний ирээдүй юм гэдгийг дээрх олон хөрөнгө оруулалтын томоохон жишээ харуулж байна. Бидний өмнө техник технологи нэвт шингэсэн бүхэл бүтэн шинэ ертөнц бий. Түүнээс бид зайлсхийж чадахгүй юм. Хэрэв үл тоож үүнээс хоцрох юм бол бид өөрсдийн болон үр хүүхдийнхээ боломжоос хулгайлж байгаатай агаар нэг. Судалгаагаа маш сайн хийгээд крипто зах зээлд хөрөнгө оруулалт хийх нь эргээд танд ирээдүйн баталгаа болж чадна гэдэгт итгэлтэй байна.