Bullish юм уу? Bearish юм уу?

Мягмар гарагийн мэнд! Гадуур шатахууны хомсдол үүсэж байгаа мэт шатахуун түгээх станцуудын дараалал түгжрэл үүсгээд байгаа сурагтай. Дайны хажууд дажин гэгчээр энэ зэрэг хэцүүхэн л даваа даа.

Илүүдэл $$$

АНУ-ын хувьд цар тахлын үеэр их хэмжээний бэлэн мөнгийг нөөцөлж авсан тул одоогийн байдлаар нийт $2.1 их наядын бэлэн мөнгөний хадгаламжтай гэнэ. Өнөөдөр иргэдийн амьдрал энгийн хэв маягтаа буцаад шилжсэн тул нөөц хэлбэрт байсан тус бэлэн мөнгө гүйлгээнд орж эхэлжээ. Deliotte-ийн гаргасан судалгаагаар тус мөнгөнөөс $433 тэрбум нь шинэ жил, зул сарын баярын өдрүүд ойртож байгаатай холбоотойгоор бэлэг, баярын хоол хүнс зэрэг зорилгоор өрх бүрээс зарлага гарч байгаа аж.

• АНУ-ын нэг өрхийн баярын өдрүүдэд зарцуулах мөнгөн дүн өмнө жилийн дундаж $1650-аас 14%-иар өсөх хүлээлттэй байна.

• Энэ жилийн худалдан авагчдын 40% нь ирэх 12-р сард зарлага гаргах бөгөөд өмнө жилийн дүнгээс 29%-иар өсөөд байгаа юм.

Цар тахлын үед АНУ-ын хадгаламжийн хүү огцом буурч, иргэд хөрөнгө оруулалтын хэлбэрийг ихээр сонирхон бэлэн мөнгөний зах зээлийн үнэлгээ $5.73 их наяд болтлоо тэлээд байсан. Тэгвэл СЗХ-ноос энэ мөнгийг хөрөнгийн зах зээлд эргэлдүүлэх бодлого хэрэгжүүлж байгаа сурагтай. Томоохон хөрөнгө оруулалтын фирмүүдтэй уулзалт хийгээд явна гэнэ шүү цаана чинь…

Bullish юм уу? 📈Bearish юм уу?📉

Дэлхийн хамгийн анхны Биткойн дээр суурилсан биржээр арилжаалагддаг сан болох BITO-гийн арилжааг тэртээ 2021 оны 10 сард эхлүүлж байсан. Биткойн нь ETF-тэй болсон нь хөрөнгө оруулагчдад илүү хялбар шинэ замыг нээж өгсөн юм.

ARK Investment Management-ийн ахлах хөрөнгө оруулагч Cathie Wood өөрийн нэр дорх Биткойн ETF-ийг зарж эхэлсэн хэдий ч Биткойн өсөлт үзүүлнэ гэсэн байр суурь дээрээ бат зогсож байна.

10 сарын 23-наас эхлэн өөрийн нэр дээрх нийт 700,000 ETF-ийг зарж эхэлсэн ба GBTC ETF нь Биткойны үнийг тогтвортой барих зориулалт бүхий нууцлалын гэрээтэй байдаг байна.

Өссөөр байхад зарсаар байх уу?

Өнгөрсөн 2022 оны 5-р сараас хойш хөөцөлдөж явсан энэхүү ETF-ийг саяхнаас зах зээлд танилцуулсан нь крипто зах зээлийг сэргээж, улмаар Биткойны ханшид хангалттай хэмжээний нөлөөг үзүүлээд байгаа юм.

Хэдийгээр Binance, FTX биржүүдийн хэрэг зах зээлд сөрөг нөлөө үзүүлж байгаа ч ETF болоод хөрөнгө оруулагчдын хандлага эерэг хэвээр.

ARK Investment Management гэхэд л нийт 5.6 сая ширхэг ETF буюу зах зээлийн 65%-ийг дангаар эзэмшиж байна.

X зар сурталчилгаанаас $75 саяыг алдах эрсдэлтэй байна

Elon Musk-ын цахим сүлжээний платформ болох X зар сурталчилгааны орлогоос $75 саяыг алдах эрсдэлд хүрээд байна.

Энэ асуудал Еврей хүмүүсийг буруутгасан нийтлэлүүдээс үүдэлтэй бөгөөд Warner Bros Discovery, Walt Disney зэрэг томоохон компаниуд X платформоор дамжих зах сурталчилгаагаа зогсоох шийдвэрт хүрчээ.