Та гомдоллох эрхтэй

Шинэхэн өглөөний мэнд ээ!🌞Өнөөдөр 0 хэм , үүлэрхэг өдөр болох нь ээ. 🥶 Энэ 7 хоног шөнөдөө -10 хэм🌨 хүйтэн тул дулаан хувцаслаарай🥶❄

Сүүлийн 3 хоногт дэлхий нийтийн хэмжээнд крипто зах зээлд ямар онцлох үйл явдлууд өрнөв?🤨

Хураангуй:📝

• Уурхайчид асуудалд оров

• 97%-ийн луйвар

• Coinbase бооцоо тавилаа

• Та гомдоллох эрхтэй

• Twitter дээр NFT аваад зарж болох уу?

• 10 сая ам.долларын орлоготой virtual охин

Маркетийн талаар бодол:

Сүүлийн 7 хоногт крипто зах зээлийг хөдөлгөсөн гол хүчин зүйл нь Элон Маск Твиттерийг худалдаж авсан явдал байлаа.😉Энэ талаар мэдээлэл гарах үед DogeCoin койны үнэ цэн өссөн хэдий ч Твиттерийг худалдаж авснаас хойш DogeCoin-ыг дахиж нэг ч дурдаагүй байгаа. 🤔

Жил бүрийн 11 & 12-р сард ихэвчлэн зах зээл өсөлттэй байдаг. Түүнчлэн Хятад улс Ковид-19-тэй тэмцэх аргаа арай сулруулж, үйлдвэрүүд үүд хаалгаа нээж эхэлж байгаа гэх баталгаагүй мэдээлэл сошиалаар тархаж байна.📱 Хятадын зах зээл сүүлийн хэд хоногт өсөлттэй 📈байгааг бодоход үнэн байж мэднэ. J.P Morgan дэлхий нийтийн хэмжээнд бодлогын хүүг 2023 оны эхэн хүртэл нэмэхээ зарлаад байгаа.

Тэгвэл урьд шөнө манай цагаар 02:00 орчимд АНУ-ын төв банкны захирал Жером Повел бодлогын хүүг дахиад л 0.75 хувиар нэмчихлээ. 🥱😵Энэ үйлдэл нь эдийн засаг уналтад ороход дахиад л дарамт үзүүлнэ. Тэд яг юу боддог бол?🫣😮‍💨

Гэхдээ нөгөө талд крипто зах зээл тогтвортой байна. Магадгүй том тоглогчид бүгд ороод ирчихсэн, өөрсдийнхөө том хувийг худалдаж аваад дарахаар шийдчихсэн юм болов уу?💎

Крипто мэдээ:

Уурхайчид асуудалд оров🤯

Bitcoin (BTC)-ны биеийн байдал сүүлийн үед тогтвортой байгаа хэдий ч miner-уудын хувьд сайнгүй байна.😞

Пүрэв гарагаас хойш Core Scientific (CORZ) компанийн хувьцаа 78%-иар буурсан📉 бол Даваа гарагт Argo Blockchain (ARBK) 55%-иар унав.😖

Тэд хэн бэ? 🤨

Тэд крипто зах зээлийн хамгийн том хоёр крипто олборлогч юм. ⛏

Argo гэхэд л өнгөрсөн сараас эхлэн бэлэн мөнгө босгох зорилгоор олборлогч төхөөрөмжнөөсөө зарж эхэлсэн.💲

Uniswap дээр байгаа нийт токенуудын 97% нь луйвар гэнэ😲

Судлаачид "Токенуудын 90% нь түгжих функцтэй гэрээнүүд ихэвчлэн "Rug Pull" төрлийн луйвраар төгсдөг" гэв.💻🎮🖲

Тэд "machine learning" арга барилаар хиймэл оюун ухааны тусламжтайгаар 27,000 токений гүйлгээний мэдээлэлд анализ хийж 99%-ийн оновчтойгоор таамаглаж чадсан.💪

Одоогоор 27,000 токеноос 631 нь луйврын хандлагагүй байна гэж дүгнэж байна.🔎

Coinbase ҮЦБК-ынн эсрэг Ripple дээр бооцоо тавилаа💵💰

АНУ-ын ҮЦБК(Үнэт цаас биркийн коммис) Ripple Labs-ын Ripple-ийг хууль бус үнэт цаас гаргасан гэж үзээд шүүхэд өгсөн. Тэр нь сунжирсаар 2 жил болчихжээ.

Харин АНУ-ын хамгийн том крипто биржүүдийн нэг Coinbase Ripple Labs-ыг өмөөрч дэмжиж 👍байгаагаа зарлав. Тэдний байр суурь нь "ҮЦБК крипто салбарыг өргөн хүрээнд нь заналхийлж байна" гэж үзсэн.

Тэгэхээр ҮЦБК магадгүй энэ хэрэгт хожигдож ч магад.💀

Та гомдоллох эрхтэй😉

Твиттерийн титэм Элон Маскийн толгой дээр заларсан энэ үед цоо шинэ сонирхолтой шийдэл гаргаж ирэв.🤔 Тэр нь Monty Python киноны хэсгээс санаа авсан мэт "дүр эсгэх" үйлчилгээ гаргана гэсэн нь магадгүй зүгээр л наргиж биз.

“Гомдогч нарт хандаж хэлэхэд таны гомдоллосоор байгаа төлбөр 8$ шүү” хэмээн жиргэсэн байна.💲

Сошиал дээр хэрүүл хийх гэж гомдоллодог төрлийн хүмүүст зориулаад 8$ төлбөл бусад нь хайхарч байгаа дүр эсгэх бололтой. Тийм хүмүүсийн гомдоллодог шалтгаан нь анхаарлын төвд орох шүү дээ.🤷‍♀️

NFT мэдээ:

Твиттер дээр NFT аваад зарж болох уу?🧐

Илон Маск Твиттерийг худалдаж авснаас хойш Твиттерийн хөгжүүлэлтийн баг NFT Tweet Tiles гэх функц нэвтрүүлэхээ зарласан. Энэ нь Твиттер дээр NFT арилжаалах болон тухайн NFT-ийн зохиогч болон бүтээлийнх нь нэрийг ил тодоор харах боломжтой болох юм.

Энэ функцийг Rarible, MagicEden, Dapper Labs, Jump.Trade зэрэгтэй хамтарч туршиж эхэлжээ.

Мөн өнгөрсөн 10-р сарын эхэнд Илон Маск “Твиттерийг худалдаж авах нь Х бүтээх хурдасгагч юм, бүх зүйлийн апп”

Тэр бүх зүйлийн апп-ийг Х гэж нэрлэх гэж байгаа бололтой.😯

Метаверс мэдээ:

10 сая ам.долларын орлоготой виртуал охин💲💁‍♀️

Хиймэл оюун ухаан бидний уйтгартай ажлуудыг хийж, харин хүмүүс инстаграм дээр уран зураг, гэрэл зураг эсвэл хагас нүцгэн зургаа хийдэг л ажилтай болно гэж бодож байвал та аймшигтай андуурч байна.🤏

Miquela (https://www.instagram.com/lilmiquela/) нэртэй 19 настай виртуал охин 2021 онд 10 гаруй сая ам.долларын орлого олжээ. 😲💲Тэр бол хиймэл оюун ухаант виртуал инфлуенсер. Тэр хүмүүс шиг шүүмжлүүлэхээс айхгүй, гомдохгүй, таргалахгүй, хөгшрөхгүй бас үхэхгүй.🤑

Тиймээс ч олон компанид Miquela таалагдаж байгаа. Тэгвэл Монголын виртуал модель Amara(https://www.instagram.com/amara_gram/?hl=en) хэзээ 10 сая ам.доллар жилд олдог болох болдоо?

NFT-ийн хамгийн түгээмэл хэрэглээг дурдъя:

• Дижитал урлаг болон дуу хөгжим,

• Виртуал хөрөнгө болон хаяг

• Тоглоомын зүйлс(Ховор зэвсэг болон хувцас хэрэглэл(арьс, дизайн, өнгө, хувцас г.м))

• Цуглуулга

• Токенжүүлсан тансаг бараа бүтээгдэхүүн (Жишээ нь, үнэтэй ховор дарсны талаарх баримтыг QR кодын тусламжтайгаар хэрэглэгч мэдэж авах боломжтой болсон)

• Бодит ертөнц дээрх хөрөнгө (Өмчлөх эрх)