АНУ-д криптог хориглохыг уриалж байна

Шинэхэн өглөөний мэнд ээ!🌞 Өнөөдөр -12 хэм хүйтэн.🥶 Шөнөдөө -22 хэм хүртэл хүйтний эрч суларч байгаа хэдий ч дулаан хувцасаа өмсөж дархлаагаа дэмжээрэй.😊

Өнгөрсөн болон энэ 7 хоногт дэлхий нийтийн хэмжээнд крипто зах зээлд ямар онцлох үйл явдлууд өрнөв?🤨

Хураангуй: 📜

• Apple, Amazon, Alphabet-н орлого багассан

• Том тоглогчдын сонирхлыг хиймэл оюун ухаан татаж байна

• Coinbase-н эсрэг нэхэмжлэлийг хэрэгсэхгүй болгов

• Ахмад хөрөнгө оруулагч Чарли криптог хориглохыг уриалж байна!

Маркетийн талаар бодол:

Задаргаа: Өнгөрсөн 2022 он бүхэлдээ хэлбэлзэл, тодорхойгүй байдал, инфляциар дүүрэн жил байлаа. Угтаа 2021 онд дээд амжилт тогтоосон хувьцаа, криптоны хурдацтай өсөлтөөр дүүрэн байсан.🤗✨

Тиймдээ ч өнгөрсөн онд ХНБ инфляцийг бууруулах зорилгоор бодлогын хүүгээ өсгөж эхэлсэн. Энэ үйл явц эхлэхэд эдийн засгийн хямрал нүүрлэх төлөвтэй байсан.🧐

Инфляцийн хямралд аль болох зөөлөн газардахын тулд ХНБ түрэмгий арга хэмжээ авч байгаа (бодлогын хүүг их хэмжээгээр өсгөж буй) бөгөөд эдгээр үйлдэл нь АНУ-ыг хүртэл дэлхийн эдийн засгийн хямрал (хатуу газардалт) руу түлхэж болзошгүйг тооцчихсон л байгаа.🙄

Хамгийн сүүлийн үеийн шинэчлэлт: ХНБ-ны дарга Жером Пауэлл сүүлийн үед өөдрөг байр суурьтай байгаа бөгөөд 1-р сарын ажлын тайлан нь хөрөнгө оруулагчдад зөөлөн газардахаар эерэг харагдаж итгэл найдвар төрүүлж байна.🤔

Ажлын тайлан:

АНУ-ын ажилгүйдлийн тэтгэмж сүүлийн таван 7 хоногийн дотор гэхэд л дөрвөн удаагаа буурчээ. 1-р сарын 28-ны байдлаар ажилгүйдлийн тоо анх удаа 3000-аар буурч 183,000 болсон нь өнгөрсөн оны 4-р сараас хойших хамгийн доод үзүүлэлт болсон . 🤨📉

Америкчуудын ажилгүйдлийн түвшинд зах зээл яагаад хамаатай гэж үү?🤨

Холбооны нөөцийн банкны инфляцийн эсрэг тэмцлийн гол саадын нэг бол яалт ч үгүй Хөдөлмөрийн зах зээл юм.😯

Ажилгүйдлийн түвшний хувьд хөдөлмөрийн зах зээл хүчтэй хэвээр байгаа. Тиймдээ ч ХНБ цаашид  ч мөн адил бодлогын хүүгээ нэмэгдүүлсээр байх хандлагатай.🧐

Хувьцааны мэдээ:

3 аварга “А”🅰

Amazon

Цахим худалдааны аварга болсон компанийн орлого буурч, хувьцаа нь 8.4%-иар унав.📉 Пүрэв гарагийн орой Амазон өнгөрсөн хугацаанд хүлээж байснаасаа сулхан удирдамж гаргалаа. 📢Тэд Cloud бизнесийнх нь өсөлт ч мөн адил удааширсан тухай мэдээлэв.💭

Alphabet

Технологийн салбарын аварга болсон компани ашгийнхаа тайланг гаргасны дараа хувьцаа нь 2.8%-иар уначхав.😔 Alphabet-н нийтэлсэн нэгж хувьцаанд ногдох 1.05 ам.долларын ашиг нь Refinitiv-н шинжээчдийн гаргасан нэгж хувьцаанд ногдох 1.18 ам.долларт хүрч чадсангүй.💢 Компанийн 76.05 тэрбум ам.долларын орлого нь тэдний таамаглаж байсан 76.53 ам.доллароос ч бага байлаа. Орлогын тайлангаас үл хамааран 2023 онд илүү үр дүн, урам зоригтой байх болно гэж найдаж байгаагаа мэдэгдэв.📣

Apple

Шинжээчдийн зүгээс Apple-г хүнд хэцүү улирлыг даван туулж чадна гэсний дараагаар iPhone үйлдвэрлэгчийн хувьцаа 2.4%-иар өссөн.🤗📈 Apple компани сүүлийн улирлын тайландаа ашиг, орлогын хувьд алдагдалтай байгаа талаар дурджээ.💭 Тус компани 2016 оноос хойших хамгийн том орлогын алдагдлаа ам.долларын ханшийн өсөлт, Хятадын үйлдвэрлэлийн асуудал, макро эдийн засгийн хүнд нөхцөл байдлаас өөрсдийгөө хамгаалж чадсан гэж үзжээ.🧐

Крипто мэдээ:

Байгууллагын тоглогчид хиймэл оюун ухааныг илүү сонирхож байна🤖👀

JP Morgan-н хамгийн сүүлийн үеийн цахим худалдааны засварын талаарх тайланд судалгаанд хамрагдсан байгууллагуудын арилжаачдын талаас илүү хувь нь хиймэл оюун ухаан (AI) болон “Machine Learning”-г ирэх 3 жилийн хугацаанд хамгийн их нөлөө үзүүлнэ гэж үзжээ.🧐✔ Энэ нь Блокчэйн технологиос 4 дахин илүү юм. 😯AI нь 53%-ийн өсөлттэй хамгийн нөлөө бүхий технологиор нэрлэгдсэн бол Блокчэйн ердөө 12% байв.😲

Түүнчлэн судалгаанаас харахад арилжаачдын 72% нь ирэх онд крипто арилжаа хийх төлөвлөгөөгүй, ердөө 14% нь дараагийн 5 жилд арилжаа хийхээр төлөвлөж байна гэжээ.📜 Уг тайланд цахим арилжаа цаашид ч өссөөр байх болно гэж таамагласан хэдий ч худалдаачид эдийн засгийн уналт, инфляци, геополитикийн зөрчилдөөнөөс санаа зовсноо илэрхийлэв.🤗

Чи явж болно!💭❗

Өнгөрсөн 7 хоногт Манхеттэний шүүгч Coinbase-н эсрэг нэхэмжлэлийг хэрэгсэхгүй болгосны дараа Coinbase-н хувьцаа (COIN +23.99%) өслөө.📈👆

Ямар нэхэмжлэл? 🤨

Coinbase брокер дилерээр бүртгүүлээгүй хэрнээ үнэт цаасны бүртгэлгүй худалдаа эрхэлсэн гэжээ.💭

Шүүгч нэхэмжлэлийг хэрэгсэхгүй болгосноор нэхэмжлэгчид ахин ийм утгаар нэхэмжлэл гаргах боломжгүй гэсэн үг.🤔💢

Криптог хориглохыг уриалж байна📢📜

Ахмад хөрөнгө оруулагч криптог үзэн ядах бооцоогоо хоёр дахин нэмэгдүүллээ.📈

Berkshire Hathaway-н Чарли Мунгер уг хөрөнгийг мөрийтэй тоглоомтой харьцуулан АНУ-д криптог хориглохыг албан ёсоор уриалав.📣

Мунгер энэ 7 хоногт Уолл Стрит сэтгүүлд нийтэлсэн нийтлэлээ ямар учраас криптог бүрэн хориглох ёстой гэж үзэж буйгаа тайлбарлав.🤔"Крипто бол валют, үнэт цаас эсвэл түүхий эд биш. Энэ бол зохион байгуулагчдад 100% ашигтай мөрийтэй тоглоомын гэрээ" гэв. 💭