Мета дахин торгуулна

Шинэхэн өглөөний мэнд ээ!🌞 Өнөөдөр -16 хэм хүйтэн.⛄ Энэ 7 хоногийн дундаж хэм -15 болж хүйтний эрч бага зэрэг сулрах хэдий ч 1000 лангаа эрүүл мэнддээ нэмэрлэж дулаан яваарай🤗🌨

Өнгөрсөн болон энэ 7 хоногт дэлхий нийтийн хэмжээнд крипто зах зээлд ямар онцлох үйл явдлууд өрнөв? 🤨

Хураангуй:📝

• 2022 онд ашигтай ажилласан технологийн компани байна уу?

• Европчууд Meta-г хувийн мэдээлэл муу хадгалсан гэсэн үндэслэлээр торгов

• Netflix тоглоомоор өрсөлдөөнд хожиж байна

• Walmart онлайн дэд бүтцээ хөгжүүлэлтээрээ Amazon–г ардаа орхив

• Европын холбоо Оросын эсрэг хориг арга хэмжээгээ цуцална

• Энэтхэг эдийн засгийн өсөлтөөрөө дэлхийд 3-т орно

• Украйн эрчим хүчгүй хөлдлөө

Маркетийн талаар бодол:

Өнгөрсөн Баасан гарагт АНУ-ын хөдөлмөрийн зах зээлийн тайлан “зах зээл тайван байна” гэсэн сайн мэдээтэй.🤩📢 Гэхдээ Холбооны Нөөцийн Банк ам.долларын инфляцийг бууруулахын тулд хөдөлмөрийн зах зээлийг удаашруулах төлөвлөгөөтэй байгаа учраас тэдний хувьд бол муу мэдээ.

Харин одоо энэ сарын 13-ны Мягмар гарагт АНУ-ын ХҮИ хэр түвшинд гарахаас хамаарч ХНБ бодлогын хүүг хэр хэмжээгээр нэмэх эсэхийг шийдэх болоод байна.🧐

Хувьцааны мэдээ:

Ялагчгүй🤔

Технологийн компаниуд энэ жил бодлогын өндөр хүү, инфляци, цомхотгол зэрэг асуудалтай хэцүүхэн байлаа.😥

Компаниуд суларч буй эдийн засагт хариу үйлдэл үзүүлж зарлагаа удаашруулах арга хэмжээ авч байна.😯

АНУ-ын хамгийн өндөр үнэлгээтэй 15 технологийн компанийн 0 нь энэ онд ашигтай ажилласан гэв. Хамгийн их хэмжээний хохирол амссан нь Microsoft. 😯Зах зээлийн үнэлгээ нь 700 тэрбум ам.доллароор буурсан 📉бол Meta 600 тэрбум ам. доллароор буурсан.👇

Сүүлийн 12 сард хөрөнгө оруулагчид Nasdaq-аас гэхэд л нийт 7.4 их наяд ам.долларын💲💸 алдагдал хүлээсэн байна.😟

Европ vs Meta🤜🤛⚔

Ирландын эрх баригчид Meta-г хэрэглэгчдийнхээ хувийн мэдээллийг хулгайлагдахаас сэргийлж чадаагүйн улмаас торгохоор болжээ.😪

2019 онд хувийн мэдээлэл алдагдаж😣 Facebook-н 500 сая гаруй хэрэглэгчдэд нөлөөлсөн.😑

Meta-н цахим хамгаалалт муу байсан тул 275 сая ам.доллароор 💲💸торгуулах болоод байна.

Мөн энэ анхны удаа биш, олон торгууль ар араасаа цуварч байна:💢❗

📍 2022 оны 1-р сар: Instagram дээр гарсан мэдээллийн талаарх хэргээр Meta-г 405 сая еврогоор торгосон.

📍 2022 оны 3-р сар: Мэдээллийн асуудлаар 17 сая еврогийн торгууль ногдуулсан.

📍 2021 оны 9-р сар: Мэдээллийн асуудлаас болж 225 сая еврогийн торгууль ногдуулсан.

Дүгнэлт:

Meta мэдээлэл дататай ажиллах болон хакеруудаас хамгаалахдаа тийм ч сайн биш бололтой. 🤔Тэгэхээр бид Метатай холбоотой төрөл бүрийн платформ дээр хувийн мэдээллийг аль болох оруулахгүй байх нь зөв болж таарлаа. 😬✅

Netflix түрүүлээд эхлэв💪📊

Netflix саяхан платформдоо 9 тоглоом нэмснээр нийт 40 тоглоомтой болов.🤩

Яагаад? 🤨

Netflix төрөл бүрийн хэрэглээ сонирхогч шинэ хэрэглэгчдийг татахыг хичээж байна.👈

Энэ оны эхээр Netflix захиалагч болон орлогоо алдсаны дараа уналтад 📉орсон нь зар сурталчилгаагаар дэмжигдсэн захиалгын шинэ багц, тоглоом нэмснээр өрсөлдөөнөөс ялгарч эхэллээ.💪

Сүүлийн жилүүдэд streaming хэт их болсон тул хэрэглэгчид одоо сонгох олон сонголттой байна.🤗

Ихэнх хэрэглэгч хамгийн бага өртөг, олон функц, өндөр чанартай контентийг сонгох болно.🤩

Walmart > Amazon🧐

Walmart өнгөрсөн хар Баасан гарагт Amazon-г ардаа орхилоо.😯

Юу болсон бэ? 🤔

Энэ жил Walmart-н веб сайтаас Хар Баасан гарагийн хямдрал хайж буй хэрэглэгчдийн тоо 386%-иар өссөн байна.📈

Wallmart энэ үеийн цор ганц ялагч байсангүй. Amazon энэ жил Target and Kohl's-н дараа 4-р байрт оржээ.📊

Талархлын баярын гол дүр нь цахим худалдаа буюу e-commerce байв. Талархлын баярын өдрөөр онлайн борлуулалт 2,9%-иар өсч📈 нийт 5,29 тэрбум ам.долларын💲 борлуулалт хийжээ.💪

Баярын өдрөөр онлайн дэлгүүрээ байршуулахын тулд Shopify ашигладаг бизнесүүд 1 минут тутамд ойролцоогоор 1.52 сая ам.доллар олсон байна.🤩

Walmart-н гол амжилт Amazon болон Target зэрэгтэй өрсөлдөхийн тулд онлайн дэд бүтцээ сайжруулсан явдал байлаа.🧐

Дэлхийн мэдээ:

Хориг арга хэмжээ эхэлж байна❌

📍 Өнгөрсөн 6-р сард: Европын холбоо 12-р сарын 5-наас эхлэн Оросын түүхий нефтийг худалдан авахыг хориглохоор тохиролцсон.❌

АНУ, Япон, Канад, Их Британитай хамтран ЕХ & Оросын газрын тосны орлогыг тасалж халаасыг нь хоослохыг хүсч байна.👊

Өнөөдрийн байдлаар:📢 Европын холбооны 27 улс бүрэн хориг тавьснаар түүхий нефтийн үнэ тэнгэрт хадсан үнэтэй болчихно гэж санаа зовж байна.😰

Эргэцүүлэн бодохоор ЕХ энэ амлалтаасаа буцах талаар бодож эхлэв.

Энэ бодол нь худалдан авахаа бүрэн зогсоох биш Оросын газрын тос худалдаж авах үнийн хязгаарлалт тогтоож магадгүй юм.🤔

Bloomberg-н мэдээлснээр📢 Хятад, Энэтхэг Оросын түүхий нефтийг 40%-ийн хямдралтай үнээр (баррель нь 33.28 ам.доллар💲) худалдан авч байна.

(Харин Монгол улс 35%-ийн хямдралтай үнээр авч байна.)

Энэтхэг том тоглогч болно😯

Энэтхэгийн тухай ярихад тус улс дэлхийд эдийн засгийн өсөлтөөрөө 📈 3-т орох замдаа явж байна.

S&P-н таамаглалаар 🤔Энэтхэгийн жилийн ДНБ-ий өсөлт 2030 он хүртэл дунджаар 6.3%-иар өсөж 📊📈 Япон, Германыг гүйцсэнээр 3-р байранд оррх юм.

Яагаад өсөлт гарсан бэ? 🤨

Морган Стэнли "Энэтхэгт оффшор, үйлдвэрлэлд хөрөнгө оруулалт, эрчим хүчний шилжилт, дэвшилтэт дижитал дэд бүтцээс үүдэлтэй эдийн засгийн өсөлт бий болох нөхцөл бүрдэж байна" гэв.

Украйн хөлдөх үү?🥶❄

Харамсалтай нь Украйнд дайн үргэлжилсээр . . . 💣😞

Цаг агаар хахир хүйтэн болсон энэ үед Украйнчууд "орон сууцаа яаж халаах вэ?" гэж санаа зовж байна.😰🌨

Яагаад? 🤨

Оросын арми Украйны эрчим хүчний дэд бүтцийг ихэнхийг нь устгасан, гэмтээсэн, олзолсон.💣

Харин өнгөрсөн 7 хоногт АНУ олон газарт эрчим хүчийг нь сэргээхэд зориулах 53 сая ам.долларын💲💸 тусламж үзүүлэхээ мэдэгдэв.

НАТО-н холбоотон улсууд Украйны 43 сая хүн амыг өвлийн улиралд⛄ эсэн мэнд даван туулахын тулд хөнжил, цахилгаан үүсгүүр болон бусад хэрэгцээт зүйлсийг илгээхээр төлөвлөж байна.📢

Slang Words📢

Бидний хамгийн түрүүнд мэдэх шаардлагатай үг хэллэг, утга санаа бол доор дурьдагдах “Slang Words” буюу бидний хэлдгээр “Хар яриа”-ны хэллэг юм. Тэгээд мөн “Common Terms” буюу Тэгэхээр энэ салбарт шинээр суралцаж эхэлж байгаа бол энэ салбарт байгаа хүмүүсийн яриа хэллэгийг нь ойлгохоос эхэлье.  

1. Bitcoin- Эцэг койн

2. Altcoin \Alternative coin\- Биткойноос бусад бүх крипто валютыг нийтэд нь хэлнэ. Бацаан койнууд

3. KYC /AML\ Know Your Customer\Anti-Money Laundering\Мөнгө угаах гэмт хэрэгтэй тэмцэхийн тулд хэрэглэгчээ таньж мэдэх бодлого. Танихгүй хүнтэй битгий харьц, чи Цасангуа биш биз дээ

4. Pump and Dump-Зохион байгуулалттайгаар тодорхой нэг койны үнэ цэнийг нь өсгөсний дараагаар буцаагаад зарах луйвар. Чихэн дээр нь цэцэг ургуулах

5. Whale\Халим\-Зах зээлд нөлөө үзүүлж чадах их хэмжээний крипто валют эзэмшдэг том тоглогч. Баян Базараа

6. Flippening-Ethereum Bitcoin-оос илүү давсан үнэ цэнэтэй болж хөгжих үеийн тохиолдол. Бусад төслийг Батирах…